Eskoto: berrikuspenen arteko aldeak

Hala, pixkanaka pixkanaka antzinako Caledonia hura ere ''Scotia'' izenez ezaguna izaten hasiko da, batzuetan nahasketa haundia sortuz: [[Isidoro Sibiliakoa|Isidoro Sevillakoak]] (560 - 636) gaur egungo Irlanda eta Eskozia herrialde bera zirela idatzi zuen. Aurrerago, bere jaioterriaren inguruan zalantzarik egon ez zedin, [[Karlomagno|Karlomagnoren]] gorteko filosofo garrantzitsuenetako batek bere izena ''[[Johannes Scotus Eriugena]]'' zela idatzi zuen, hots, "Irlandan jaiotako Joan irlandarra" (815-877). Beranduago, gaelen berezko sorlekua ''Scotia Major'' izenez ezaguna izaten hasi zen eta gaur egungo Eskozia berriz ''Scotia Minor''. Are gehiago, 978 eta 1014 urteen bitartean [[Brian Boru]] [[Irlandako Errege Nagusia]] izan zela adierazteko, [[Armagh-eko Liburua|Armagh-eko Liburuak]] ''"Imperator Scottorum"'' esaldia erabili zuen. ''Irlanda ''izena soilik [[anglo-normandar]] inbasioa eta gero (1169) hasiko zitzaion gailentzen ''Scotia Major'' izendapenari, handik aurrerantzean izen osoarekin gaur egungo Eskozia geratu zelarik. Hortik aurrera, beste gaizki ulertze bat sortuko zen: Izatez irlandarra zena eskoziartzat jotzea.<ref>[http://history-ireland.blogspot.com.es/2013_08_01_archive.html Scot means Irish], ''Irish History in a compendiary fomat (blogspot)''</ref> Bestalde, [[Eskoziako gaelera|Eskoziako gaeleraz]] lurralde honen izena orduan zein orain ''Alba'' izan da, gainerako hizkuntza [[zelta hizkuntzak|zeltiarretan]] bretoieraz salbu antzeko hitza erabili delarik.

 

 

Garai batean Eskotoak [[Irlanda]], [[Eskozia]] eta [[Man|Man uhartean]] kokatutako talde etno-linguistikoa izendatzeko erabili bazen ere, gaur egun '''gaeliko''' edo '''gael''' hitza erabiltzen da. Kaledonia inbaditu zutenean, beren hizkuntza [[aitzinirlandera]] zen. Ondoren, handik [[Irlandera zaharra|irlandera zaharra]] eratorriko zelarik.