Urola Kosta: berrikuspenen arteko aldeak

'''Urola Kosta''' [[Gipuzkoa]]ko iparraldeko erdialdean dagoen [[Gipuzkoako eskualdeen zerrenda|eskualdea]] da, kostaldekoa. Eskualdean itsasoratzen den [[Urola]] ibaiak ematen dio izena. Udalerri hauek hartzen ditu bere baitan: [[Aia]], [[Aizarnazabal]], [[Getaria (Gipuzkoa)|Getaria]], [[Orio]], [[Zarautz]] eta [[Zumaia]] (antzina [[Azpeitia]], [[Azkoitia]], [[Beizama]], [[Errezil]] eta [[Zestoa]] ere bai, baina gaur egun [[Urola Erdia]] osatzen dute). Urola Kostak 108,31  km²ko ditu (Gipuzkoaren % 16,5), eta 42.526 biztanle zituen guztira 2010ean (Gipuzkoaren % 5,7 baino ez). Udalerririk jendetsuena [[Zarautz]] da, 22.652 biztanlerekin, eta bertan kokatzen da Urola Kostako Udal Elkartea. Barrualdeko bi udalerriak jende gutxikoak izanik, kostaldekoen artean Zumaia nabarmen daiteke Zarautzen ondotik, 9.327 biztanlerekin, eta itsasertzean daude bilduta eskualde honetako biztanle gehienak.

Eskualdeko ekialdea, batez ere Orio eta Zarautz, oso lotuta daude Donostialdeko eskualdearekin, bere eremu funtzionalaren parte baitira. Bestalde, Orio historikoki [[Beterri]]ko parte izan da, eta beraz, Donostialdeko parte.

Morfoegituraren aldetik ikusita, bi gune daude. Iparraldean, [[Zenozoiko|Tertziarioko]] itsasaldeko mendi saila, hau da, Igeldo-Mendizorrotzeko mendebaleko muturra; [[Oria]] ibaiak itsasoratzean sortzen duen adarrak eteten du. Handik aurrera, mendi sailak ozta-ozta jarraitzen du, Orioko gainetik, berriz ere Getariako sektore deritzanean agertzeko, hots, [[San Anton mendia]]n ''(Getariako arratoia)''. Sektore hori Urola ibaiaren itsasoratzeak eteten du, eta handik aurrera Mariantongo muturrean eta San Telmoko hondartzan jarraitzen du. Itsasaldeko mendikatearen hegoaldean, sakonune bat osatzen dute kanpoaldeko igarobideak (Oriako sektorea) eta Zarauzko apalguneak. Litologiaren aldetik ikusita, kanpoaldeko igarobidea tuparriz eta kare harri nahasiz dago osatua. Hemen sartzen da, hain zuzen ere, sektore hori itsasoan; horrela zabaltzen da, hondar pilaketa batek lagundurik, Zarauzko hondartza. Alderdi horretan dago baita ere [[Zarauzko diapiroa]].