Intxaurrondo: berrikuspenen arteko aldeak

'''Intxaurrondoak''' (''Juglans'') [[zuhaitz]] genero bat da. Tamaina handiko zuhaitzak dira, itzalpe handikoak eta zur oso onekoak, fruitua [[intxaur]]ra dutenak ''(Juglans regia)''. [[Adaburu]]a nahiko behean izaten du. Adarkera bera biribila edo luzexka izan dezake. [[Enbor (argipena)|Enborra]] eta adarrak azal leun zurixkakoak ditu gaztea denean, latzagoak eta ilunagoak gero. Hosto elkartua izaten du, arrautza itxurako hosto-atal erorkorrez osatua, lorea sexu banakoa, eta gerba egiturakoa arra. Lur sakon eta azpi gozoa dutenetan hazten da. Berez [[Persia]] eta [[Kaukasia|Kaukasokoa]] da, baina gaur egun negu epel samarra egiten duen Europako eskualde guztietan hazten da. Ematen duen fruituagatik eta duen zur bikainagatik lantzen da. Intxaurrondoak zur gogorra du eta hosto [[galkorreko]] zuhaitza da.