'''3G telefonia mugikorra''' [[telefonia mugikor]]reko hirugarren belaunaldiaren laburdura da, zeinak, nagusiki [[Telekomunikazio Mugikorren Sistema Unibertsala|UMTS]] estandarraren bitartez, ahots eta datu transmisioak ahalbidetzen dituen.
Hirugarren belaunaldiarekin lotutako zerbitzuek ahalbidetzen dute transmititzea bai ahots eta datuak (hala nola telefono deiak edota [[bideodeia]]k), baita ahotsik gabeko datuak ere (adibidez artxiboen, programen eta aplikazioen deskargak, edota [[posta elektroniko]]a edo bat-bateko mezularitza erabiltzea).
Hasiera batean teknologia hau telefonia mugikorrari zuzenduta zegoen arren, [[telefonia mugikorreko operadore]]ek [[USB]] modemak erabiliz [[Internet]]era konektatzeko zerbitzuak ere eskaintzen dituzte, 3G teknologia erabilita. Hala, terminal mugikorrik erabili gabe ordenagailuan Internet sarbidea edukitzea posible da. Gainera, badira modema integratuta dakartzaten gailuak, adibidez ''netbook'' motatako ordenagailu eramangarri batzuk. Horiek [[SIM txartel]]a behar dute Internetera sarbidea edukitzeko, beraz, kasu hauetan telefono linea aktiboa edukitzea beharrezkoa dute.
== 3G telefoniaren estandarrak ==
* [[Telekomunikazio Mugikorren Sistema Unibertsala|UMTS]] (Universal Mobile Telecomunication System), [[Komunikazio Mugikorretako Sistema Orokorra|GSM]] estandarraren ondorengoa da, eta [[WCDMA]] teknologia erabiltzen du.
* [[CDMA2000|CDMA2000 1xEV-DO 0]] (Code Division Multiple Access 1x Evolution-Data Optimized), [[CDMA2000|CDMA2000 1xren]] ondorengoa da, eta [[Ameriketako Estatu Batuak|Amerikako Estatu Batuetan]], [[Mexiko]]n, [[Hego Amerika]]n eta [[Japonia]]n erabiltzen da.
