[[Miletoko eskola]]k ez bezala, zeinak errealitatearen aniztasuna baieztatu eta horren ezagutza behaketaz azaltzen baitu, eskola eleatikoa [[mosimomonismo|monista]] da eta logikaz eta abstrakzioz heldu nahi du errealitatearen muinera. Pentsamendu eleatikoaren abiapuntua [[Parmenides]]ek ezarri zuen: izatearen batasuna, era absolutu, zehazgabe eta abstrakto batean, ''biribilduriko [[esfera]] baten masa baten antzera'' <ref>Parmenidesek ''Peri Physeos'' bere poemako 8.42 atalean dioen bezala.</ref>. [[Zenon Eleakoa]]k Parmenidesen pentsaera bereganatu eta [[logika]]z eta [[dialektika]]z, ''[[aporia]]'' delakoari esker, defendatu zuen. Ezagunak dira mugimendua (eta beraz, aldaketa) ukatu eta izatearen batasuna baieztatzeko Zenonek asmatu zituen [[paradoxa]]k. Eskola eleatikoaren azken ordezkaria den [[Melisos Samoskoa]]rengandik idazki anitz gaurdaino heldu bada ere, pentsalari moduan garrantzi txikiagoa eman ohi zaio eta batik bat Parmenidesen pentsamenduaren biltzaile izan zela baieztatu da.
