Gaur egun [[Euskal Herria]]n banaketa zabala duen arren, zuhaitz hau berezko area txikienetakoa duen pinua da: 4.000 ha gutxi gorabehera, [[San Frantziskoko badia]]n (Kalifornia). Basotze artifizialei esker, orain oso hedatua dago [[Europa]]ko hego-mendebaldean, [[Zeelanda Berria]]n, [[Txile]]n, [[Australia]]n eta [[Hegoafrika]]n.
[[Euskal Herria]]n intsinis pinuaren gehiegizko landaketa eta ustiaketak bertako basoak arriskuan jarri ditu. Gainera, intsinis pinuak eragiten duen lurraren azidifikazioak bertako basoen birsortzea eragozten du. Hala ere, XXI. mendearen hastapenetan, ordea, intsinis pinuak balioa erruz galdu du merkatuan, eraikuntzaren eta papergintzaren krisiak eraginda; eta, gainera, intsinis pinua gaitzak jota dago. Beraz, Euskal Herrian ez zaio etorkizunik ikusten, eta zuhaitz espezie autoktonoak landatzera jotzen ari dira lurjabe asko.<ref>Miren {{maiuskula_txiki|Garate}}: [http://www.berria.eus/paperekoa/1852/022/001/2014-09-21/gorriz_gaixotu_dira_pinuak.htm «Gorriz gaixotu dira pinuak»], ''Berria'', 2014-09-21.</ref><ref>[http://erran.eus/mendialdea/1419254883564 «Egurraren prezioa lur azpian, diru iturri nagusi bat galdu dute udalek»], ''Ttipi Ttapa'', 2009-05-13.</ref><ref>Ane {{maiuskula_txiki|Olaizola}}: [http://urolakosta.hitza.eus/2014/09/24/pago-eta-arteek-ia-20-hektareako-eremu-bateko-pinudia-ordezkatu-dute-izarraitzen/ «Pago eta arteek ia 20 hektareako eremu bateko pinudia ordezkatu dute Izarraitzen»], ''Urola Kostako Hitza'', 2014-09-24.</ref>
