'''Truman doktrina''' [[Ameriketako Estatu Batuak|Ameriketako Estatu Batuek]] [[Gerra Hotza|Gerra Hotzean]] [[ekialdeko Blokea|bloke komunistaren]] aurka eramandako politikaren oinarria da, [[1947]]an [[Harry S. Truman]] presidenteak sortua.
[[Ameriketako Estatu Batuetako kongresuaKongresua|Kongresuaren]] aurrean [[1947]]ko [[martxoaren 12]]an egindako hitzaldian, Trumanek adierazi zuen AEBak "mundu askearen burua" zela, [[demokrazia]] mundu osoan babestu eta [[komunismo]]aren aurka borrokatu behar zuela. Komunismoak herrialde batean arrakasta izanez gero ingurukoak ere [[Dominoaren teoriadomino-efektu|domino efektuaren]] eraginez eroriko ziren beldurrez, Truman doktrinatik eustearen politika garatu zen, komunisten presioei aurre eginen zien herrialdeei begira. [[Bigarren Mundu Gerra]] amaitu berria zen testuinguru hartan, poltika honen xedea [[Greziako Gerra Zibila|Grezia]], [[Turkia]], [[Irango Krisia|Iran]] edo [[Txinako Gerra Zibila|Txina]] ziren. [[Mendebaldeko Europa]] garatzeko balio zuen [[Marshall Plana|Marshall plana]] ere doktrina honen ifrentzu ekonomikotzat har daiteke.
