|izenburua=Agriculture and economic growth: theory and measurement
|url=http://books.google.es/books?id=7JmrsqSToyMC&printsec=frontcover#v=onepage&q&f=false}}</ref>, soldata txikien trukean. Beste batzuetan, [[berrikuntza]]rako joera ezagatik, nekazaritza eremu zabalek produktibitate txikia erakutsi dute. Beste alde batetik, uzta kopuruaren kontrol eza izan da historian zehar prezioetan gorabehera handiak eragin dituen faktore nagusia: nekazaritza-produktuen [[eskariaeskari (ekonomia)|eskaria]] nahiko [[elastikotasun (ekonomia)|inelastikoa]] dela kontuan harturik, uzta handiak gehiegizko [[eskaintza (ekonomia)|eskaintza]] ekarri eta prezioak hondoratu ditu kasu batzuetan; aitzitik uzta txikiek eskasia eragin eta prezioak nabarmen goratu ditu, batzuetan nekazarientzat ere arazoak sortuz, beraiek izaten baitira nekazaritza-produktuen kontsumitzaile handienak. Prezioak kontrolatu nahian, administrazio publikoek laboreen [[inportazio]]ak mugatu nahi izan dituzte askotan, gehiegizko [[muga-zerga|arantzelak]] edo edo produktuei baldintza tekniko eta sanitario zorrotzak ezarriz. Beste batzuetan, Europa eta Ipar Ameriketako herrialdeen kasuan adibidez, gobernuek nekazariei gutxieneko prezio bat eskaini eta [[esportazio]]ra zuzendu ditu horrela erositako produktuak, ''[[dumping]]'' politika batez alegia; horrela, produktibitate txikiagoko herrialde pobreetan ekoizten diren laboreen irtenbidea eragotzi da, nekazari xumeen kaltetan. Beste alde batetik, nabariak dira [[nekazaritza intentsibo]]ak dakarren [[gainprodukzio]]aren ondorioak: prezioak hondoratu egiten dira, nekazari txiki eta tradizonalen bizimodua kolokan jarriz. Ohartu behar da, ildo horretatik, nazioarteko labore nagusien erreferentzia-prezioak [[Ameriketako Estatu Batuak|Estatu Batuetako]] ''[[Chicago Mercantile Exchange]]'' izeneko merkatuan negoziatzen direla.
