Azerbaijandarren[[Azerbaijandar]]ren eta [[armenia]]rren arteko istilu eta gatazka larriak izan dira nagusi Azerbaijanen. [[Sobietar Errepublika Sozialisten Batasuna|Sobietar Batasunean]] [[1986]]tik aurrera bultzatutako aldaketen ildotik, Armeniak [[Karabakh Garaia|Nagorno-Karabakh]], Azerbaijanen barruan dagoen lurralde armeniar autonomoa (170.000 biztanle, % 76 armeniarrak, % 23 azerbaijandarrak), Armeniari itzultzeko eskatu zuen, baina Sobiet Gorenak ez zuen onartu. Lurralde autonomoko grebari ([[1988]]ko maiatza) erantzuteko, eta azerbaijandarrek hala eskatuta, blokeoa ezarri zuten Armeniako errepublikan (1988ko iraila). Urte bereko urrian, Azerbaijango parlamentuak erabakitako legearen arabera, errepublikak dituen mugak ezingo dira aldatu errepublika osoan egindako erreferendumean onartuta ez bada. [[1989]]. urtean armada sobietarrak hartu zuen parte eta bi herrietako miliziak, elkarrekin gerran ari baitziren, banatu egin zituen elkarrengandik.
