Poloniaren inbasioa: berrikuspenen arteko aldeak

'''Poloniaren inbasioa''' 1939. urtean gertatu zen: batez ere [[Alemania]] naziak eta [[Sobietar Errepublika Sozialisten Batasuna|Sobietar Batasunak]]k [[Polonia]] hartzeko egin zituzten ekintza militarrak, 1939. urteko irailaren 1etik urriaren 6ra bitartean, poloniar armada garaitu arte.

[[Bigarren Mundu Gerra]] leherrarazi zuen lehenengo gertakaria izan zen, [[Adolf Hitler|Hitlerek]]ek, erasorik ez egitekotan [[Molotov-Ribbentrop ituna|Molotov-Ribbentrop Hitzarmena]] sobietarrekin sinatu eta astebetera, «[[Fall Weiss]]» operazioarekin antolatutako inbasioari ekin zionez: Poloniako iparraldetik, hegoaldetik eta mendebaldetik sartu ziren alemanak, ''[[Tximista Gerra|Blitzkrieg]]'' zeritzon eraso azkar eta bortitzen teknika erabiliz poloniarrak erraz garaituz, batez ere [[Bzurako bataila]]ren ostean. [[Frantzia]]k eta [[Erresuma Batua]]k, itunak eginda izan arren, ez zuten parte handirik hartu Poloniari laguntzen, eta horrek bide eman zuen Poloniak hain 'erraz' etsi behar izatera.

Urriaren 2-5 bitartean [[Kock-eko bataila]]n poloniarrei garaituta, inbasio-kanpaina 1939. urteko urriaren 6an amaitu zen: Alemaniak eta Sobietar Batasunak Poloniako lur guztiak banatu eta eskuratu zituzten, [[Poloniako II. Errepublika]]ri amaiera emanez, nahiz eta Polonia formalki sekula errenditu ez. Urriaren 8rako, Alemaniak Poloniako mendebaldea eta [[Gdańsk|Danzig]] hiri askearen (gaur egungo [[Gdańsk|Gdansk]]) administrazioa erabakita zeukan. Bestalde, Sobietar Batasunak poloniar lurrak [[Bielorrusiako Sobietar Errepublika Sozialista|Bielorrusiako]] eta [[Ukrainako Sobietar Errepublika Sozialista|Ukrainako Sobietar Errepublika Sozialistetan]] sartu zituen, sobietartze-kanpainari ekinez.