'''Aizpitarte''', '''Aitzbitarte''' edo '''Landarbasoko leizeak''' [[Errenteria]]ko udalerrian dauden leizeak dira ([[Gipuzkoa]]). Landarbaso errekastoaren eskuinaldean daude, [[Aiako Harriaren natura parkea|Aiako Harriko parkearen]] ertzean. Bertan topatutako aztarnak Paleolito Ertainekoak dira, 25.000 urtetik gorakoak.
Leizerik ezagunena Aitzbitarte IV da, 1960ko hamarkadan jada [[aitajose Migel Barandiaran|aita Barandiaranek]]ek induskatua. Ekialdeko Gipuzkoako [[solutrear]] aldiko gune nagusia da. Behean duen Aitzbitarte IIIan duela gutxi hasi dira lanean.<ref>{{erreferentzia|izena= Lawrence Guy |abizena= Straus|izenburua=Human occupation of Euskalerria during the Last Glacial Maximum: the Basque Solutrean |url=http://www.aranzadi-zientziak.org/fileadmin/docs/Munibe/1990033040AA.pdf|orrialdea=37| argitaletxea=[[Aranzadi Zientzia Elkartea]]}}</ref>
Paleolitikoko aztarnategi handi baten lehen aurkikuntza izan zen. Zenbait mailatan sailkaturik, historiaurreko gizakiaren arrastoak aurkitu dira denbora luzez bizi izandakoak eta langintza ugarirenak: orriak, hartxabalak, zenbait eratako karrakagailuak, puntzoiak eta abar; gutxienez, [[Aurignac kultura|Aurignaciar]] garaitik hasi eta [[MesolitikoMesolito|Mesolitikora]]ra artekoak. Besteak beste, animalia-irudiz dekoraturiko hezur batzuen aurkikuntza harrigarriak azaldu diren, bertan diren bostetatik, III. haitzuloa arakatuz hasi badira ere; IV. haitzuloko aztarnategia izan da ondoen ikertu dena. Han aurkituak dira orein-burua grabaturiko plaketaren bat, makila zulodunen bat, hagatxo dekoratuak eta ebakiduraz eginiko animalia-irudiak dituzten zenbait hezur.<ref>Kobazulo honetan eginiko hainbat indusketa kanpaina 1961ean Munibe aldizkariari eginiko zenbait emanalditan deskribatuak izan dira, 3-4 znb. 1961an, 1-2 znb. 1963an, eta 1965ean, marrazki ugariz apainduak.</ref>
