Ireki menu nagusia

Aldaketak

t
Robota: Birzuzenketak konpontzen
'''Isaac Bashevis Singer''' ([[yiddish]]ez: יצחק באַשעװיס זינגער; Radzymin, [[Varsovia]] ondoan, [[1904]] - [[Surfside]], Florida, [[1991]]) Estatu Batuetako idazlea izan zen, judu-poloniar jatorrikoa. Rabi leinukoa zen; haurtzaroa Varsovian eman zuen eta bertako [[errabino|rabbi]] eskolan ikasi zuen. 1935ean Estatu Batuetara joan zen eta kazetari gisa lan egin zuen [[New York]]eko prentsa juduan. Eleberriak lehenbizi ''yiddish'' hizkuntzaz idatzi zituen eta gero ingelesera bihurtu ziren, egilearen laguntzarekin. Varsovian gaztetan bizi izandako giroa, judu auzo pobreena, eta New Yorken emigranteek aurkitu zituzten arazoak dira Singerren eleberrietako eta ipuinetako gaiak.
 
Bere idazkietan, bestalde, judaismoaren balio tradizionalekiko etena agertzen da, ohiko literatura-moldeetatik at dagoen estilo guztiz berezian adierazia. Hauek dira Singerren eleberrietako batzuk: ''Satan Gorayn'' (1950), ''Moskat familia'' (1950), ''Esklaboa'' (1960), ''Lublineko magoa'' (1960), ''Shosha'' (1978). Zenbait kritikariren arabera, ipuin liburuetan gailen azaltzen da autorearen idazkera: ''Gimpel leloa ''(1957), ''Merkatu kaleko Spinoza'' (1961), ''Kafkaren lagun bat ''(1970), ''Lumazko koroa bat'' (1973). Orobat, haurrentzako ipuin liburuen eta oroitzapen liburu baten egilea da. 1978an [[Literaturako Nobel Saria|Literaturako Nobel saria]] irabazi zuen.
== Erreferentziak ==
{{commonskat}}
252.705

edits