[[Fitxategi:Shah Abbas I.jpg|thumbnail|shah Abbas safavi]]
'''Safavi''' 1501-1736 urte bitartean [[Persia]]n agindu zuen arabiar jatorriko dinastia [[xiixiismo|xiiaz]]az esaten da. Safaviak Safi ed-Din (1253-1334) [[xeke]] arabiarraren ondorengoak ziren; 1399an utzi zuten ordena [[suni]]a eta Azerbaijandik hasita Persia eta Asia Txikira zabaldu zuten beren sinestea. 1488an, otomandarren aurka zeuden turkiar herri guztiak bildu zituen Isma´il buruzagi safaviak eta, Persiako mendebaleko osteak garaitu ondoren, shah titulua jaso zuen 1501ean. Abbas I.a Handiaren garaian (1587-1628) bizi izan zuen bere gorena Ismāil I.ak sortu zuen dinastiak. [[Persia]]k ospe handia izan zuen Europan garai haietan eta XVII. mende osoan zehar, eta eragin berezia izan zuen India aldean, pertsiar moldeak arras nagusitu baitziren mongoliarren mende zeuden lurralde haietan. Safavi dinastiaren ekiteari esker gorpuztu zen Persia modernoa, egungo Iranen aitzindari izan zen estatua, eta sinesmen xiiari esker iraun zuten baturik inperio haren barnean zeuden herriek.
