'''Kasetea''', zehatzago '''audio-kasetea''' (Hego Euskal Herrian ''zinta'' ere deitua) [[audio]]a modu [[elektronika analogiko|analogikoan]]an grabatu eta erreproduzitzeko [[zinta magnetiko]] bat da, plastikozko kaxatxo baten barruan sartuta, kopuru handitan 1960ko hamarkadatik merkaturatu zena. Musika-etxeek ekoiztu eta merkaturaturiko kaseteez gainera, ''zinta birjinak'' ere merkaturatzen ziren, norberak aparailu berezietan beste kaseteak bikoiztu nahiz bere grabazioak egiteko. 1990eko hamarkadan hasi zen kaseteen gainbehera [[Disko konpaktu|Compact Disk]] euskarria ordeztuta. Kasetearen teknologia beste arlo batzuetarako ere erabili da, hala nola [[bideo]]a grabatu nahiz [[informatika]]n datuak gordetzeko (adibidez, 1980ko hamarkadako [[bideojoko]] asko audio-kaseteen itxurako gailuetan merkaturatzen ziren).
