Raymond Queneau: berrikuspenen arteko aldeak

'''Raymond Queneau''' ([[Le Havre]], [[Frantzia]], 1903 - [[Paris]], Frantzia, 1976) [[frantses]]ezko idazlea izan zen. Filosofiako ikasketak egin zituen. 1924tik 1929ra mugimendu surrealistan parte hartu zuen. 1945ean ''L´Encyclopédie de la Pléiade'' sortu zuen, eta hogeita hamar urtez izan zen entziklopedia horren zuzendari. 1951n Goncourt Akademiako kide izendatu zuten. 1960ean lagun batzuekin batera [[Ouvroir de Littérature Potentielle]] (OuLiPo) sortu zuen, [[olerkiolerkigintza|olerkirako]]rako eta [[eleberri]]rako egitura berriak sortzeko asmoz. Kontalari bikaina izan zen, irudimen handikoa. Queneauren estiloaren ezaugarri nagusiak umorea, ironia eta hizkuntzaren sena dira; matematikaren bidetik sarritan, literatura-hizkuntza etengabe jarri zuen kolokan parodiaren bidez, hitz-jokoak, ahozko hizkera eta argota erabiliz eta asmakizun fonetikoak eginez. Zinemazalea zen, eta 1952tik 1960ra arte film askoren gidoiak idatzi zituen, René Clémenten ''Monsieur Ripois'', Luis Buñuelen ''La Mort en ce jardin'' eta Jean Hermanen ''Le Dimanche de la vie'' filmenak, besteak beste.