Lowell Behatokia: berrikuspenen arteko aldeak

'''Lowell Behatokia''' [[Arizona]]ko [[Flagstaff]] hirian dagoen [[behatoki astronomiko]] bat da. Lowell behatokia [[AEBAmeriketako Estatu Batuak|AEBetako]]etako behatokirik antzinakoenetako bat da, eta interes historikoko eraikin bezala katalogatua dago. 24 hazbeteko jatorrizko Alvan Clark [[teleskopio]]a oraindik demostrazio hezitzaileetan erabiltzen da. Lowell behatokiak 70.000 bisitari jasotzen ditu urtero, bisita gidatuak egiten dituztenak eta gaueko zenbait mirari ikusten dituztenak Clark eta beste teleskopio batzuetatik. [[1894]]an sortu zuen [[Percival Lowell]]ek, eta denbora batez bere hirugarren iloba zen [[Guy Lowell]]ek zuzendu zuen. Lowell behatokiaren egungo administraria William Lowell-Putnam da, sortzailearen iloba-biloba.

Behatokiak zenbait teleskopio erabiltzen ditu Flagstaffeko bi toki ezberdinetan. Instalakuntza nagusiek, Flagstaffetik mendebaldera dagoen [[Mars Hill]]en daudenak, 24 hatzbeteko (61 zentimetro) jatorrizko errefrakzioko Clark teleskopioa dute, teleskopio honen egungo betebeharra hezitzailea den arren, eta ez ikerketarako. Teleskopioa, [[1896]]an 20.000 dolargatik eraikia, [[Boston]]en muntatu zuen [[Alvan Clark]]ek eta ondoren trenean bidali zen Flagstaffera. Mars Hill campusean dagoen beste teleskopio bat Pluto Discovery teleskopioa da, 13 hazbetekoa (33 zentimetro), [[1930]]ean [[Clyde Tombaugh]]ek [[Pluton (argipena)|Pluton]] [[planeta nano]]a aurkitzeko erabili zuena.

Lowell behatokiko astronomoek [[eguzki-sistema]] eta [[astrofisika]]ri buruzko gai esparru zabal batean egiten dituzte ikerketak lurreko, aireko eta espazioko teleskopioak erabiliz. Ikerketa programa ugarien artean [[Lurretik gertuko asteroide]]en bilaketa bat, [[Neptuno (planeta)|Neptuno]] planetatik haratago dagoen [[Kuiper gerrikoa|Kuiper gerrikoko]] objektuen katalogazioa, [[exoplaneta|exoplaneten]] bilaketa, eguzkiaren argitasunari buruzko hamarkada askoko iraupeneko azterketa bat eta urruneko galaxietan izar eraketa eta beste prozesu batzuei buruzko zenbait ikerketa daude. Gainera, behatokiko langileek Lowelleko teleskopioetan eta beste toki batzuetan erabiltzeko neurrira eginiko tresnak diseinatu eta eraikitzen dituzte. Adibidez, Lowelleko pertsonalak abiadura handiko kamera bat eraiki zuen [[Astronomia Infragorriko Behatoki Estratosferikoa]]n (SOFIA) erabiltzeko. SOFIA AEBetako eta [[Alemania]]ko espazio agentzien proiektu bateratu bat da, eta [[Boeing 747]] SP hegazkin batean doan 2,5 metroko teleskopio batean datza.

[[Fitxategi:Lowell astrograph.jpg|thumb|13 hatzbeteko Pluto Discovery teleskopioa, [[Pluton (argipena)|Pluton]] planeta nanoa aurkitzeko erabili zen [[astrografo]] bat.]]

* [[Pluton (argipena)|Pluton]] planeta nanoa, [[Clyde Tombaugh]]ek [[1930]]ean aurkitu zuena.

* [[Urano (planeta)|Urano]] planetaren eraztunen elkaraurkikuntza [[1977]]an.