'''Bertrand konkurrentzia''' [[merkatukonkurrentzia inperfektu|merkatu inperfektuetan]]etan enpresen jokabidea aztertu eta merkatuko [[orekaerrentagarritasun-puntu (ekonomia)atari|oreka]] ezartzen duen eredu [[mikroekonomia|mikroekonomiko]] bat da, [[Cournot konkurrentzia]]ren ereduaren kritika moduan garatutakoa. Cournoten ereduan enpresek lehia ekoizpenari buruz egiten duten bitartean, Bertranden ereduan enpresek prezioari buruz egiten dute lehia. Hain zuzen, kontsumitzaileak produktu homogeneo baten aurrean prezioari begira egotea jo daiteke errealitatearekin hobekien egokitzen den hipotesi moduan. Hipotesi horretan oinarritua, Bertrand konkurrentzian [[duopolio]]a aztertzen da lehendabizi eredu sinple moduan, ondoren [[oligopolio]]a ikertzeko. Ereduen aukera gisa enpresek eskainitako produktu homogeneoak eta bereiziak daude. Azterketa sakonago egitearren, eredu estatikoak (erabakiak behin hartzen dira) eta dinamikoak (erabakiak behin eta berriz hartzen direnean) ere bereizten dira. [[Joseph Louis François Bertrand]] (1822-1900) frantziar ekonomialariak garatu zuen 1883 urtean.
