Egan (musika taldea): berrikuspenen arteko aldeak

Herrietako jaietan euskal giroa jartzeko eta dantza egiteko musika modernoa egiteko sortu zen [[Egan (musika taldea)|Egan]], eta, hori lortze aldera, dantzaldietan euskal kantarien abestiak jotzen hasi zen, [[Xabier Lete]]renak eta [[Benito Lertxundi]]renak esaterako, baita atzerriko taldeenak ere, [[The Beatles]]enak esaterako, euskaraturik. Segituan egin zen ezaguna [[Gipuzkoa]]ko herrietan, eta geroago beste herrialdeetara zabaldu zen taldearen oihartzuna, bereziki [[Bizkaia]]ra. [[Akelarre]]rekin batera, dantzaldietara jendetza erakartzeari dagokionez puntan ibilitako taldea zen Egan, eta badira urtero hutsik egin gabe taldea kontratatu zuten herriak, hala nola [[Mutriku]] ([[Gipuzkoa]]). Dantzarako aproposak ziren kantu ezagunen euskarazko moldaketa atseginak lantzea, bost taldekideen arteko ahots harmoniak zaintzea eta [[Xabier Saldias|Saldiasen]] taula gaineko karisma eta komunikatzeko dohaina izan ziren [[Egan (musika taldea)|Eganen]] arrakastaren gakoetako batzuk. Urterik oparoenetan 200 emanaldi inguru eskaintzen zituen [[Egan (musika taldea)|Eganek]].

 

 

70eko hamarkadaren hastapenetan plazaratu arren, [[1985]]era arte taldeak ez zuen kaleratu lehen diskoa. [[1994]]a bitartean, zortzi disko eta bilduma bat argitaratu zituen. Urte hartan, Saldiasen eta gainerako taldekideen arteko liskarrak zirela medio, taldea banandu egin zen. [[Xabier Saldias|Saldiasek]] musikari berriak bildu zituen, eta Egan izenari eutsi zion, Berria erantsita, eta besteek [[Trabuko Egan]] sortu zuten. Trabukotik beste bi talde sortu ziren epe laburrean: [[Irailerako 6]] eta [[Keinu]]. [[Egan Berria]]k kantu propioen aldeko apustua egin zuen lehen diskoan, [[Berria]] (IZ, 1995), baina ez zuen oihartzun handirik izan. ''"Beti bertsioak egiten ibili eta gero, gure kantuekin atera genuen diskoak ez zuen batere arrakastarik izan. Egan, erromeria, rantxera, tirolesa... esparru horretara mugatu gaitu, nonbait, jendeak. Hasieran, gu rockeroak ginen, baina jendeak horretara eraman gaitu"'', zioen tonu etsian [[Xabier Saldias|Saldiasek]]. Hortaz, bertsioetara itzuli zen hurrengo lanetan.

2002an abeslari berri bat sartu zen taldera: [[Idoia Uralde]] eta [[2004]]ean formatu berria estreinatu zuen [[Xabier Saldias|Xabierrek]]: musika tresnak sakrifikatu eta bi dantzari sartuaz, [[Jaione Zapiain]] eta [[Rosi Zubizarreta]], jendeak hori eskatzen zuela eta; handik urte batzuetara, [[2010]]ean [[Ane Saldias]], [[Xabier Saldias| Xabierren]] alaba sartu zen dantzari. Joera berrietara egokitu beharra argudiatu zuen [[Xabier Saldias|Saldiasek]]: ''"DJak plazan sartu dira, eta jendeari bost inporta zaio zeinek jotzen duen edo zein musika tresna dauden; jartzen duen giroak bakarrik axola du. Itxuraz arreta handiagoa jartzen zaie dantzariei eta ikuskizunari, musika jotzeari baino. Horregatik, joera hori ikusita, formatua aldatu dugu"''. Plaza giroaren gainbeherak ere eragin dio [[Egan (musika taldea)|Egani]], urteko emanaldi kopurua berrehunetik erdira murriztu baitzaio.

 

[[Fitxategi:Egan taldea orain.png|thumb|400px|Goian (ezkerretik eskuinera): Rosi Zubizarreta, Ane Saldias eta Idoia Uralde / Behean (ezkerretik eskuinera): Imanol Iribarren, Xabier Saldias eta Ruben Viejo]]