'''Bedita Larrakoetxea''' ([[Zeanuri]], [[Bizkaia]], [[1894]]ko [[ekainaren 24]]a - [[Oñati]], [[Gipuzkoa]], [[1990]]) euskal idazle eta itzultzailea zen.
== Biogafria ==
Arratian[[Arratia]]n, Zeanurin[[Zeanuri]]n, Undurraga Goiko Altxagutxi etxean jaio zen. [[Letrango ordena]]ko fraide ordenatzeko asmoz, [[Altsasu|Altsasura]] joan zen 1907 urtean, non bi urtetan ikasketak burutu zituen; gero [[Oñati]]n egin zituen apaiz ikasketak eta Gasteizen eman zuen Meza Berria [[1917]]an. Irakasle lanetan jardun zuen batez ere. [[Espainiako Gerra Zibila]] hasi zenean, haur talde baten arduradun joan zen Britainia Handira. Handik Uruguaira joan zen eta Argentinara gero. 1972an itzuli zen Euskal Herrira. ''[[Euskal Esnalea]] ''eta ''[[Euzkadi]]'' aldizkarietan hasi zen idazten. 1934an Kirikiño saria jaso zuen ''Agirrezabala´tar Tomas talogintzan txapeldun ''lanagatik. Baina Larrakoetxearen lan nagusia Shakespeareren[[Shakespeare]]ren obra guztiaren itzulpena izan zen, bizkaiera aski garbizalean. ''[[Euzko Gogoa]]'' aldizkarian argitaratzen hasi zen ''Macbet ''(1957, ''Macbeth'') lehenbizi, ''Lear Errege ''(1958, ''King Lear'') gero, eta ''Ekatxa'' (1959,''The Tempest '') hurrena. Ondoren, sei liburukitan bilduta ''W. Shakespearen Antzerki guzi-guztiak euskaraz ''eman zituen argitara (1974-1977).
