|
#BIRZUZENDU[[Garapen iraunkor]]
Ekologian jasangarritasuna sistema biologikoek euren ugaritasuna, dibertsitatea eta produktibitateari eusteko bidea da. Bizi luze eta osasugarrina izan duten hezeguneak eta basoak dira jasangarritasunaren adibide bezala azal daitezkeen sistema biologikoak, esaterako. Orokorrago begiratuz, jasangarritasuna sistema eta prozesuen iraupena bezala definitu daiteke, eta antolatzeko printzipioa garapen jasangarria da zeinak ekologia, ekonomia, politika eta kulturaren domeinuak euren artean konektatzen dituen.
Hala ere, azken aldian jasangarritasunaren definizioa hainbat eta hainbat gai ezberdinetara extrapolatu da, hasieran eremu naturaletara murrizten bazen ere. Jasangarritasun hitzak berak, euskerazko eran, "jasan" hitzetik eratorria da, sistema bat eusteko gaitasuna barneratuz. Hala definituz gero, jasangarritasunaren aplikazioa ekologian gain, ekonomian, politikan, gizarte erlazioetan, cultura eta honek jasoten dituen ohituretan ere identifikatu edo aplikatu daiteke, sistema batek bere buruari eusteko ahalmena duen azaltzen baitu. Gaztelerazko "sostenibilidad" eta ingeleseko "sustainability" hitzetan ere nork bere burua aski izatearen inplikazioa azaltzen da. Ez, ordea frantseseko "durabilité" hitzean, non autosufizientzia beharrean irauteko ahalmenari keinu egiten zaion, jasangarria den sistema batek irauteko ahalmena duelaren ideia zabalduz.
Jasangarritasunak beraz, oso zabala izan eta hamaika eratan azal daitekeen arren, beti eukiko du inplizitua sistema bat momentuan eta denboran eusteko aukera.
|
