Ramon Saizarbitoria: berrikuspenen arteko aldeak

'''Ramon Saizarbitoria Zabaleta''' ([[Donostia]], [[1944]]ko [[apirilaren 21]]a) soziologoa eta [[euskal idazle]]a da. Batik bat [[eleberri]]ak landu ditu, baina [[saiakera]] eta [[poesia]] generoetan ere aritutakoa da. [[Euskal literatura]] modernoaren aintzidaritzat jotzen da, [[64ko belaunaldia]] deitu izan zaion horren baitan. [[1967]]an [[Lur argitaletxea]] sortu zuen beste idazle batzuekin batera, eta [[1970eko hamarkada|1970eko hamarraldian]] ''[[Oh Euzkadi]]'' literatura aldizkaria. [[Soziologia]]n lizentziatua eta [[SIIS]] ikerketa-zentroko zuzendaria, gizarte zerbitzuen arloko ikerketa eta txosten ugari burutu eta zuzendu ditu.

 

Ekonomia eta soziologia ikasketak egin zituen [[Friburgo (Suitza)|Friburgon]] ([[Suitza]]). [[Lur (argitaletxea)|Lur]] eta Kriselu argitaletxeetako kidea izan zen. ''[[Zeruko Argia]]'' eta ''[[Jakin]]'' aldizkarietan idatzi zuen, eta ''[[Ustela]]'' eta ''[[Oh! Euzkadi]]'' literatura aldizkarien sortzaileetako bat izan zen. [[Gaur (ikerketa taldea)|Gaur]] soziologia azterketa taldean lan egin zuen. Gerora, gizarte zerbitzuen arloko SIIS ikerketa zentroko zuzendaria izan da. Soziologia-ikerketa alor horretan ''[[El problema de la deficiencia mental en Guipúzcoa]]'' (1973) eta ''[[Nacer en Guipúzcoa (comentarios sobre perinatalidad y prevención)]]'' (1981) ikerketa-lanen egile nagusia da. Madalen Saizarbitoriaren aita da, bere lan batzuen itzultzailea izan dena.