Maurizio: berrikuspenen arteko aldeak

 

== Hizkuntzak ==

* '''Hizkuntza nagusiak:''' [[Maurizioko kreolera]], [[frantses]]a eta [[ingeles]]a. Biztanle guztiek dakite hizkuntza nagusi horietako bat behintzat. Konstituzioak ez du [[Estatu]]ko [[hizkuntza ofizial]]ik ezarri, baina zehazten du ingelesa jakin behar dela [[Parlamentu]]ko kide izateko (Konstituzioko 33. artikuluko ''b)'' idatz zatia), eta ingelesa izango dela Parlamentuko hizkuntza ofiziala (Konstituzioko 49. artikulua); bestalde, Parlamentuari frantsesez hitz egiteko eskubidea dute parlamentuko kideek (Konstituzioko 49. artikulua).<ref name="MauriziokoKonstituzioa">[http://www.gov.mu/portal/site/AssemblySite/menuitem.ee3d58b2c32c60451251701065c521ca/?content_id=c4554555fc808010VgnVCM100000ca6a12acRCRD «The Constitution»], Maurizioko Gobernuaren webgunean.</ref> Dena dela, ingelesa erabili ohi da Maurizioko hizkuntza ofizialtzat, eta Administrazioko eta epaitegietako hizkuntzatzat. Maurizioko kreolera erabili ohi da komunitate ezberdinen artean elkar ulertzeko eta lagunarteko hizketarako. Ingelesa eta —neurri txikiagoan— frantsesa dira erabilienak ikastetxeetan, biak goi mailako hizkuntzatzat hartzen baitira Maurizion. Frantsesa da erabiliena negozioetako goi mailako arloetan (adibidez, hornitzaile-erosle harremanetan) eta kreolera behe mailakoetan eta lankide artean. Orobat, frantsesa da erabiliena literaturagintzan eta hedabideetan.<ref name="chass.utoronto.ca">Eugene Chiba (2006): [http://www.chass.utoronto.ca/~cpercy/courses/6362-chiba.htm «English Usage in Mauritius»], Computing in the Humanities and Social Sciences; Faculty of Arts and Sciences; University of Toronto.</ref> Mauriziarren %&nbsp;90ek badakite kreoleraz; kreolera jo ohi da Maurizioko bertako hizkuntzatzat, eta lagunartean gehien erabiltzen den hizkuntza da. [[XVIII. mendea]]n sortu zuten [[Afrika]]tik ekarritako [[esklabo]]ek, euren artean eta euren ugazabekin komunikatu ahal izateko,<ref>[http://m2002.thecgf.com/Nations/Africa/Mauritius/default.asp «Mauritius»], 2002 Manchester; the XVII Commonwealth Games.</ref> eta batez ere [[frantses]]ean dago oinarrituta.<ref>J. Holm: ''Pidgins and Creoles'', Cambridge University Press, 1989, New York. ISBN 978-0-521-35940-5.</ref>