Lorin Maazel: berrikuspenen arteko aldeak

▲Estatubatuar biolinista eta orkestra-zuzendaria, jatorriz frantsesa (Neuilly-sur-Seine, 1930ko martxoaren 6a - Castleton Farms, Virginia, 2014ko uztailaren 13a). Frantzian jaio zen arren, gurasoak Estatu Batuetakoak zituen. Oso gazterik hasi zen musikaren munduan lanean, eta hamabost urte zituenerako Estatu Batuetako orkestra ospetsuenen zuzendari gisa nabarmendu zen. 1948an, Pittsburgheko Orkestra Sinfonikoan sartu zen biolinista gisa, eta 1960an Alemaniako Bayreuth Jaialdian parte hartu zuen zuzendari moduan (bera izan zen Bayreuthen lehen amerikarra). Harrezkero, munduko orkestra ospetsuenen zuzendari izan da. 1965etik 1975era, Berlin Irratiko Orkestra Sinfonikoko zuzendaria izan zen, 1972tik 1982ra, Clevelandekoarena, eta Vienako Operakoarena, 1982tik 1986ra. 1988an, berriz, Frantziako Orkestra Nazionalaren zuzendari musikal izendatu zuten (1988-1991). Pittsburgheko Orkestra Sinfonikoaren musika-zuzendaria izan da 1986az gero, eta Bavaria Irratiko Orkestra Sinfonikoarena, 1993tik aurrera.