'''Zisjordania''' edo '''Jordanen Mendebaldeko Ibarra'''<ref>{{Erreferentzia|url=http://www.euskaltzaindia.net/dok/arauak/Araua_0164.pdf|egilea=[[Euskaltzaindia]]|izenburua= Ekialde Hurbileko eta Ipar Afrikako toponimia}}</ref> ([[arabiera]]z: {{lang-ar|الضفة الغربية}}, ''Al-ḍaffa al-ġarbiyya''; [[hebreera]]z: {{lang-he|הגדה המערבית}}, ''HaGadah HaMa'aravit'') [[Palestina]]ko lurralde nagusia da, [[Jordan]] ibaiaren mendebaldeko ertzean kokatuta dagoelako horrela deitua, 20 eta 40 kilometro artean zabala den eta ekialdetik Jordan ibaiarekin eta Itsaso Hilarekin eta mendebaldetik ''Muga Berdearekin'' ([[Israel]]go estatutik bereizten duena) muga egiten duen eskualdea da.
Zisjordania [[Judea]] eta [[Samaria]]ko lurralde [[biblia|biblikoei]] dagokie, garai bateko [[Palestinako aginpideBritainiar britainiarraMandatua]] osatu zutenak. [[1947]]ko [[NBE]]aren erabakiaren arabera, Palestina bi estatutan banatu zen, bata [[Judaismo|judua]] eta bestea [[arabiar]]ra, eta Zisjordania azken honen zatia zen. Baina Israel eta ondoko nazio arabiarren arteko gerragatik asmo hauek ez zuten aurrera egin. [[1949]]an [[Jordania]]k bereganatu zuen eta [[1967]]an Israelek konkistatu zuen. Ordutik, Israelek militarki okupatua du Zisjordania.
