'''''Dublindarrak''''' (jatorrizko [[ingelera]]zko izenburua ''Dubliners'') [[James Joyce]]k idatziriko 15 kontakizun laburren bilduma da, lehendabiziko aldiz 1914 urtean inprimatu zelarik. Hamabost kontakizunek XX. mende hasierako aurreneko urteetako [[Dublin]] hiria agertarazten dute, baita [[Irlanda|irlandar]] erdi mailako gizartearen deskribapena egin ere.
Kontakizun hau [[Irlandar nazionalismoa]] goripuri-gorianpurian zegoen aldiangaraian idatzi zen, izakera eta borondate nazionala bilatzeko xedea erakutsiz; historia eta kulturaren bidegurutzea da, [[Irlanda]] herrialdea hainbat ideia eta eraginenpean dagoen garaia. Joycen epifaniaren ideiaren erdi-erdian kokatzen dira: pertsonaiak berekiko ulermen eta argitasuna duen unea da. ''Dublindarrak'' kontakizuneko pertsonaia askok Joycen jarraieko [[Ulises (eleberria)|Ulises]] eleberrian agertzen dira, baina garrantzi gutxigoko nortasunekin. <ref>[http://publish.uwo.ca/~mgroden/notes/charsfromdub.html Notes on James Joyce's Ulysses. Michael Groden. The University of Western Ontario]</ref> Bildumaren lehen kontakizunek narratzaile edo kontalari gisa haurrak dituzte, eta kontakizunak aurreruntz egiten duenez, hauen bizi eta kezkak jende helduarenak bilakatuko dira. Lerro hau izango da Joycen bilduma hiru ataletan banatuko duena: haurtzaroa, gaztaroa eta helduaroa.
