Víctor Manuel (abeslaria): berrikuspenen arteko aldeak

Espainiar abeslaria eta disko- eta film-ekoizlea (Mieres, Asturias, 1947). 1960ko hamarraldiaren erdialdean hasi zen profesional gisa kantatzen, Canción protesta mugimenduaren barruan, eta hainbat eta hainbat arazo izan zituen zentsurarekin. Belter etxearekin grabatu zituen lehenengo diskoak: ''El Enemigo,'' ''La Romería'', ''El Abuelo Víctor, Paixarinos'' edo ''El Portalín De Piedra. ''Philips disko etxera joan ondoren zinemarako zaletasuna sortu zitzaion eta antzezle gisa hasi zen ''Morbo ''filmean. 1971n Ana Belén antzezle eta abeslariarekin ezkondu zen, eta gerora elkarrekin jardun dira sarritan, kantaldi eta abarretan. Arazoak izan zituen Francoren erregimenarekin, Víctor Manuelek antolatutako antzerki-lan bat Espainiako bandera iraintzeaz salatu zutelarik. 1975ean antzezleen grebarekin bat egin zuen. Hainbat urtetan lanik kaleratu gabe egon ondoren, 1978an CBS etxearekin hasi zen lanean eta ''Soy Un Corazón Tendido Al Sol ''lana kaleratu zuen. Izugarrizko arrakasta izan zuen. Ondoren egin zituen ''Ay Amor'' (1980) eta ''Luna'' (1980). 1986an izugarrizko arrakasta lortu zuen Ana Belénekin batera abesten zuen ''La Puerta De Alcalá ''abestiarekin. CBSkin zuen harremana hautsi ondoren, musika eta zinemaren alorretan ibili da. BMG-Ariola etxearekin ''¿Qué Te Puedo Dar?'' (1988), ''A Dónde Van Los Besos'' eta ''Mucho Más Que Dos'' (1994) lanak kaleratu zituen. 1995ean ''Blanco y Negro'' diskoa eman zuen argitara, Pablo Milanés kantariarekin batera. 2008. urtean Víctor Manuelek ''No hay nada mejor que escribir una canción'' diskoa kaleratu zuen.▼