Tokioko metropoli eremua

Tokioko metropoli eremua (japonieraz: 東京圏, Tōkyō-ken) Japonian dagoen metropoli eremu handiena da. Kantō MMA edo Hiriburu Eskualde Nazionala ere deitu izan zaio. Kantō eskualdeko lau prefekturek osatzen dute: Tokio, Chiba, Kanagawa eta Saitama. Guztira 37.818.369 biztanle eta 13.555,8 km²-ko hedadura lortzen dute. Erabat hiritartutako gune honen %35a itsasoari jandako lurretan kokatzen da, gomi izeneko materialaren gainean. Gomia aukeratutako eta zanpatutako zakarrez egina dago, eta eraikinak egiteko erabiltzen da.

Tokioko metropoli eremua (Kantō MMA)

Hiri handienak

• Tokio (23 auzoak, 8.336.611 biztanle)
• Yokohama (3,654,427 bizt.)
• Kawasaki (1.385.003 bizt.)
• Saitama (1.231.880 bizt.)
• Chiba ( 929.363 bizt.)