Beherako

Beherakoa edo beheitikoa egunean hainbat aldiz (hirutan edo gehiagotan) kaka egitea eta gorotz zirinak edo oso likidoak ekoiztea da. Beherakoaren zergati nagusia gastroenteritisa izan ohi da. Osasunerako arriskutsua izan daiteke, gorputzak ur asko galtzen baitu.

Mundu mailan beherakoen % 40 eragiten dituzten errotabirusen irudi bat.

Heriotza zergati arruntenetako bat da garapen bidean dauden herrialdeetan, eta haurren heriotzaren bigarren zergatia da mundu mailan. Fluidoen galerak deshidratazioa eta elektrolitoen asaldurak eragin ditzake.