Austriako Ondorengotza Gerra

Austriako Erregetzarako Gerra 1740-1748 urteetan, Europako estatu guztietara hedatu zen gerra izan zen. Karlos VI.a Austriako enperadorea hil zenean, Europako estatu ahaltsu batzuek ez zuten inperioa haren alaba Maria Teresaren eskuetan geratzea onartu eta berehala hasi ziren tirabirak. Frederiko II.a Prusiako erregeak eman zuen lehen urratsa eta Silesia hartu zuen (1740). Frantzia, Espainia, Bavaria eta Saxonia Prusiaren alde jarri ziren eta Karlos Alberto Bavariakoa izendatu zuten Austriako enperadore, Karlos VII.a deituraz. Ingalaterra eta Herbehereak Austriaren alde agertu ziren. Frantsesek eta bavariarrek Austria Garaia eta Bohemia hartu zituzten. Prusiak, bere aldetik, bakea izenpetu zuen Austriarekin, ordainean Silesia hartuz (Breslau, 1742; Dresde, 1745). Bavariak atzera egin zuen 1743an eta Frantzia bakarrik geratu zen Ingalaterraren aurrean. Frantzia Herbehereez jabetu zen (1747-1748), baina Aachengo hitzarmenak (1748) gauzak lehen bezala utzi zituen eta Maria Teresaren erregetza onartu behar izan zuen Frantziak.

Austriako Erregetzarako Gerra
Pierre L'Enfanten Fontenoyko gudua
Data	1740ko abenduaren 16 – 1748ko urriaren 18
Lekua	Europa, Ipar Amerika eta India
Emaitza	Maria Teresa I.a Austriakoak tronua mantendu zuen
Gudulariak
Frantzia Prusiako Erresuma Espainia Bavariako hauteslerria (1741–45) Saxoniako hauteslerria (1741–42) Siziliako Erresuma Napoliko Erresuma Genovako Errepublika Suedia (1741–43) Habsburgotar monarkia Erresuma Batuko Erresuma Hanoverko hauteslerria Zazpi Herbehere Batuen Errepublika Saxoniako hauteslerria (1743–45) Sardiniako Erresuma Errusiar Inperioa (1741–43, 1748)
Buruzagiak
Luis XV.a Frantziakoa Maurice de Saxe Broglieko dukea Frederiko II.a Handia Leopoldo I.a Anhalt-Dessaukoa Leopoldo II.a Anhalt-Dessaukoa Filipe V.a Espainiakoa Filipe I.a Parmakoa Jean Thierry du Mont Karlos VII.a Germaniako Erromatar Inperio Santukoa Charles Emil Lewenhaupt Maria Teresa I.a Austriakoa Frantzisko I.a Germaniako Erromatar Inperio Santukoa Ludwig Khevenhüller Karlos Alexandro Lorrenakoa Otto von Traun Jurgi II.a Erresuma Batukoa Gilen Augusto Cumberlandekoa Thomas Mathews Karlos Augusto Waldeck eta Pyrmontekoa Augusto III.a Poloniakoa Frederiko Augusto Rutowsky Karlos Emmanuel III.a Sardiniakoa Peter Lacy