Maia herriarentzak suizidio ez zen gertaera okerra eta urkatzea hiltzeko era onena zen. Gauza bera gertatzen zen eta antzeko kategoria zuten [[giza-sakrifizio|gizgiza-sakrifizioetan]], borrokan edo erditzeko unean hildakoekin. Haientzat urkatuak zuzenean zerura joaten ziren, plazerrez eta gozotasunez betetako zerura, [[ceibakapok]] edo "ceiba" (Ceiba pentandra) erraldoi baten itzalpean disfrutatzeko.<ref>''Los dioses mayas'', 59.or.</ref> Urkamendian hiltzen zirenak, beraz, saria jaso behar zuten eta haiei laguntzeko Ixtab jainkosa zegoen, [[paradisu]] berezira joateko bidean urkamendian hildakoei laguntzeko, alegia. Mitologian lan hori egiten duten izakiek [[psicopompo]] edo "animen gida" izena dute.
