[[Fitxategi:De Morgan Medea.jpg|thumb|alt=|Medea, Evelyn de Morganek margotua.]]
'''Medea'''<ref>{{erreferentzia|egilea=[[GreziarEuskaltzaindia]]|izenburua=82. araua. Grezia eta Erromako pertsonaia mitologikoak|url= http://www.euskaltzaindia.net/dok/arauak/Araua_0082.pdf}}</ref> ([[antzinako greziera]]z: Μήδεια, ''Mēdeia''), [[greziar mitologia]]n, [[Kolkida]]ko erregearen alaba da. [[Argonauta|Argonauten]] buruzagi [[Jason]]ekin maitemindu zen, eta larru-zaku urrez betea harrapatzen lagundu zion, hartarako aita hil egin behar izan bazuen ere. Yolkonera ihes egin zuen senarrarekin batera, eta [[Pelias]], Jasonen aitaren anaiordea, hilarazi zuen aginpideaz jabetzeko. Handik [[Korinto]]ra joan zen Jasonekin, eta bien seme-alabekin. Jason Korintoko erregearen alaba Kreusarekin maitemindu zen, eta Medeak, orduan, urrezko errezela eta koroa pozoitua bidali zizkion [[Kreusa]]ri ezteietako opari gisa; haiek jaztean, Kreusa hil egin zen. Ondoren, Medeak erregearen jauregia erre eta bere seme-alabak hil zituen, Jasonen ondorengorik lurrean izan ez zedin. Medea herensugeek tiratutako zalgurdi batean hegan ihesi joan zen.
Medearen elezaharra antzinako olerkari askorentzat izan zen iturri beren lanak idazteko. Besteak beste, ospe handia du [[Euripides]]en ''Medea'' antzezlanak (K.a. 431. urtea); Jason Medea abandonatu eta Kreusarekin maitemintzen denean hasten da obra. Orobat, entzute handikoa da [[Seneka]]ren izen bereko antzezlana.
