'''Grafenoa''' laminazko egitura lau bat da, [[atomo]] bateko sendoera duena, lotutako karbonoen [[hibridazio|sp²]] hibridoen gainjartzearen bidez eratuko liratekeen [[lotura kobalente]]en bidez [[erlauntza]] formako sare kristalino baten dentsoki paketaturiko [[karbono]]zko atomoz osatua dagoena.
[[2010]]eko [[Fisikako Nobel Saria]] [[Andre Geim]]ek eta [[Konstantin Novosiolov]]ek jaso zuten grafeno izeneko material bidimentsionalari buruzko euren aurkikuntza iraultzaileengatik.
Sp² hibridazioa da egitura hexagonalaren lotura angeluak, 120ºkoak, azaltzen dituena. Karbonozko atomoetako bakoitzak egoera hibridatuan lau [[balentzia]] [[elektroi]] dituenez, elektroi horietatik hiru sp² hibridoetan sartuko dira, egiturako lotura kobalenteen hezurdura eratuz, eta geratzen den elektroia hibridoen planoarekiko elkarzuta den p motako orbital atomiko batean sartuko da. Aipaturiko orbital horien [[Orbital molekular|solapazioa]] izango litzateke π motako orbitalak sorraraziko lituzkeena. Konbinaketa hauetakoren batzuk, beste batzuren artean grafenoko geruza osatzen duten karbonozko atomo guztien artean deslokalizaturiko [[orbita atomikoen konbinaketa lineal|orbital molekular]] erraldoi bat sorraraziko luke.
Izena [[grafito]] + [[alkeno|enotik]] dator. Izatez, grafitoaren egitura gainjarritako grafenozko lamina ugarik osatutako pilatzat har daiteke. Pilatutako grafeno geruzen arteko loturak [[Van der Waalsen indar]]ren eta karbono atomoen arteko π orbitalen arteko elkarreraginen ondorio dira.
[[Fitxategi:Graphit gitter.svg|200px|thumb|Grafitoaren egitura kristalinoa, non eraztun aromatiko kondentsatu geruza ezberdinen arteko elkarreraginak ikus daitezkeen.]]
Grafenoan karbono-karbono loturen luzera gutxi gora-behera 1,42 [[Ångström|Åekoa]] da. Gainontzeko elementu grafitiko guztien oinarrizko egitura osagaia da, grafitoa, karbonozko [[nanohodi]]ak eta [[fulereno]]ak barne. Egitura hau espazioko bi norantzetan molekula biziki luzetzat ere har daiteke, hau da, grafeno deituriko [[hidrokarburo aromatiko polizikliko]] molekula lau familia baten muturreko kasua izango litzateke.