[[Fitxategi:HermanosPinzon.jpg|thumb|alt=|Pinzón anaien estatua, Palos de la Fronteran]]
Espainiar itsasgizona (Palos de Moguerla Frontera, Huelva, 1440 - La Rabida, Huelva, 1493). Marinel-familia bateko seme nagusia zen, eta gaztetan kortsario gisa ibili zen. Kristobal Kolon ezagutu zuen, eta Indietarako bidaian parte hartu nahi izan zuen, anaia Vicenterekin batera. Horretarako, bidaiaren kostuaren parte bat ordaindu zuen, eta Kolonen zerbitzura jarri zen. ''Pinta'' itsasontziko ardura zuela, Antilletako uharteetara heldu zen, eta bi hilabetez itsasoan jarraitu zuen bakarrik. Kolonen haserrea piztu zuen horrek, baina ados jarri ondoren, elkarrekin eman zioten hasiera itzultzeko bidaiari. Bidaian, Kolonek gidatzen zuen ''Pinta'' itsasontzitik aldendu, eta besteen aurretik heldu zen Galiziako itsasertzera; hango agintariek ordea ez zioten lurreratzen utzi, Kolon harekin ez zegoelako. Erabat gaixotuta, Palos de Moguer-era (Huelva) itzuli zen, eta handik gutxira hil zen.
