'''Magallanesen Hodeiak''' [[hego hemisferio]]tik ikus daitezkeen bi [[galaxia]] dira. Gure galaxiatik ([[SantiagokoSantiago Bide]]tik) hurbil daude (150.000 [[argi urte]]ra), eta Magallanesen Hodei Nagusia eta Magallanesen Hodei Txikia izenez ezagutzen dira. Magallanesen Hodeiak, kimika-osagarrien arabera, Santiago Bidekoak ez bezalakoak dira: haietan kimika-gai astun eta [[metal]] gutxi dago, [[izar trinko]] gutxiago baitute, eta horiek dira gai astunak sorrarazten dituztenak. Hodei Nagusiak espiral forma du, eta Txikia, berriz, irregularra da. Magallanesen Hodeiak gure galaxiaren [[satelite]]tzat jotzen dira, gas-zubi batez ([[Magallanesen gas-lasterra]]) loturik baitaude Santiago Bidearekin. Bien masak batuta, gure galaxia baino askoz ere txikiagoa da.