Vespa: berrikuspenen arteko aldeak

Vesparen diseinua berezia eta arrakastatsua da. Izan ere, mundu-mailan lehen aldiz hedatutako scooter arrakastatsua izan da. Diseinuaren ezaugarrien artean motorraren beraren soinua dago, baita hankak eta gurpilak estaltzen dituen forma ere.

 

 

Bigarren Mundu Gerraren ondoren Italiako errepide azpiegitura kaxkarra zela eta, Enrico Piaggiok (Rinaldo Piaggio fundatzailearen semeak), gerra-hegazkinak ekoizteari utzi eta edonorentzako garraiobide ekonomiko eta modernoa sortzeari ekin zion.

 

 

Vespa diseinuaren jatorria Bigarren Mundu Gerra aurretik aurki daiteke, AEBetan, Nebraskan, hain zuzen. Crushman scooter-ak Estatu Batuetako armadarentzat sortu ziren, haren soldaduak Nazien aurka borroka zitezen.

 

Piaggioko langile zen Corradino D’Ascaniori eskari zehatza egin zioten; ibilgailu bat diseinatzea, bidaiari bat eramateko gai izango zena, gizon zein emakumeentzat erabilerraza izango zena eta gidariaren arropa zipriztinetatik babestu ahal izango zuena.

 

D’Ascanioren lankide zen Innocentirekin, ordea, eztabaida izan zuen diseinuaren inguruan eta Innocentik alde egin zuen gerora Lambretta motako motoak diseinatzeko.

 

 

Vespak izugarrizko arrakasta izan zuen munduan zehar XX. mendeko 50 hamarkadatik aurrera. 40 urtez oinarrizko diseinua mantendu zen eta filma nahiz gazte kulturaren erreferentzia bilakatu zen. Italiar diseinuaren elementu adierazgarrienetakoa da.

Japoniako konpetentzia gogorra eta, ingurumen-kezka berriak zirela eta ohiko Vesparen gainbehera jazo zen. Ikerketa eta garapen saioen ondoren, diseinua berriztatu eta modelo eraginkorrak sortu zituen Piaggiok. Gaur egun, scooter merkatuan, beste hainbat modelorekin lehian dago Vespa eta jada ez du aurretik izandako merkatu kuota zabala.

 

{{commons|Vespa scooter}}

 

[[Kategoria:Motozikletak]]