UGT: berrikuspenen arteko aldeak

1987az gero Espainiako gobernuaren (PSOE) eta sindikatuaren harremanek okerrera egin zuten, sindikatuak gobernuaren politika ekonomikoa kritikatzen baitzuen eta PSOEri botoa ez ematea eskatu zuen. 1988ko abenduaren 14an CCOOrekin batera greba orokorrera deitu zuen; geroztik, bi sindikatu nagusien arteko lankidetza areagotu zen estatuko politika ekonomiko liberalari eta langabezia gero eta handiagoari aurka egitearren. 1992ko maiatzaren 27an beste greba orokor batera deitu zuten. 1994an behin eta berriro idazkari hautatua izana zen N. Redondok kargua utzi zuen. Gaur egun, [[Cándido Méndez]] da idazkari nagusia.

 

Euskal Herriko lau sindikatu nagusietako bat zen UGT 1990ko urteetan, ELA, [[LAB]] eta CCOO sindikatuekin batera. Azken urteotan euskal mapa sindikalean nabarmena den etendura-giroan, CCOOrekin aritu da elkarlanean gehienbat, ELA eta LAB sindikatu [[abertzale]]ekin harreman handirik izan gabe. 1990tik 2000ra bitartean egin diren hauteskunde sindikaletan sindikatu ez abertzaleek oro har ordezkariak galdu badituzte ere, UGTk CCOOk baino gehiago igarri du beherakada, eta 1999an utzi zion lehen aldiz, LABen mesedetan, [[Euskal Autonomia Erkidegoa|Euskal Autonomia Erkidegoko]] hirugarren sindikatu izateari, laugarren postura jaitsita. 2000. urtearen amaieran hauteskunde sindikalak egiteko eskubidea zuten enpresetako 17.500 delegatuetatik, 2.645 zituen UGTk, eta horrek ordezkaritzaren % 15,17 ematen zion, LABengandik oso hurbil. Aurreko urteetako ordezkaritza-mailarekin alderatuz gero, % 0,39 egin zuen behera UGTk.

 

* {{es}} [http://www.ugt.es/index1.html UGTren webgune ofiziala]

* [http://www.ugt-cat.net/subdominis/ajlleida/index.php?option=com_content&task=view&id=74&Itemid=116 Sindikatuaren historia]

 

[[Kategoria:Espainiako sindikatuak]]

 

[[an:Unión General de Trabajadores]]