Joaquín María Egia: berrikuspenen arteko aldeak

'''Joaquín María Egia Agirre''' ([[Azkoitia]], [[Gipuzkoa]], 1733 - [[Gasteiz]], [[Araba]], 1803) gipuzkoar [[zientzia]]lari eta [[politika]]ria, Narrosko hirugarren markesa izan zen

 

[[Frantzia]]n egin zituen [[filosofia]] eta zientzietako ikasketak. Azkoitira itzulitakoan, [[Peñafloridako kondea]]k Intxaustiko jauregian antolatzen zituen elkarrizketetan hasi zen parte hartzen, eta jarduera haren fruitu sortu zen [[Xabier María Munibe]] Peñafloridako kondeak, [[Ignacio Manuel Altuna]]k eta Egiak berak osaturiko hirukote [[ilustrazio|ilustratua]], [[Azkoitiko Zalduntxoak]] deitua. Geroago sortu zuten Euskal Herriaren Adiskideak elkarteko idazkaria izan zen, hil arte.

 

[[Konbentzioko gerra]]n (1794-1795), Gipuzkoako gerrarako diputatua izan zen; kritika ugari jaso zuen [[Frantziako Iraultza]]ileen ideien alde egiteagatik. Gerra amaitutakoan berreskuratu zituen Euskal Herriaren Adiskideak elkarteko karguak. [[Fisika]], [[kimika]] eta [[mineralogia]]ko lanak egin zituen, batez ere, eta ''Encyclopédie'' lanaren aldeko sutsua izan zen. Itzal handiko gizona izan zen; gutun ugari idatzi zioten elkarri Egiak eta [[Voltaire]]k. Frantziako eta Espainiako akademia eta kultura-elkarte anitzeko kide izan zen.

 

[[Kategoria:1733ko jaiotzak]]

[[Kategoria:Gipuzkoako politikariak]]