Rigel: berrikuspenen arteko aldeak

Sistemako osagai nagusia, [[supererraldoi]] zuri-urdinxka bat da, B8Iab [[mota espektral]]ekoa, 11500º Kelvineko tenperaturarekin. Izar oso masiboa, 18 [[eguzki masa]]ko masa baitu, gure eguzkiarena baino 50.000 aldiz handiagoa den argitasun batekin dizdiratzen du; argi [[ultramore]]a kontutan hartzen bada, bere argitasuna, gure Eguzkiak igorritakoaren halako 85.000raino igotzen da. Bere erradioa, gure eguzkiarenaren halako 73 da (0,34 unitate astronomikokoa dena), eta, beraz, gure eguzkiaren tokian balego, ia [[Merkurio]]ren orbitaraino hedatuko litzateke. Oso aurreratua bere [[eboluzio]]an, oso litekeena da bere barnean heliozko nukleo hil bat egotea, helioa karbonoan eta oxigenoan fusionatzen ere egon daitekeen arren, [[erraldoi gorri]] fasetik igaro ondoren.

 

 

Rigel, bere dizdiran aldaketa txikiak dituen [[izar aldagarri]] bat da, izar supererraldoietan oso ohikoa ez den fenomenoa. Aldakortasun maila, 0,3 eta 0,03 magnitude bitartean dago, %3 eta %30aren arteko bariazioaren baliokidea, periodoa, 25 egunekoa delarik. Aldakortasun hori, sisteman laugarren izar baten existentziagatik dela proposatu da, baina, orokorrean, benetako arrazoia, izar nagusiaren azaleko [[izar aldagarri pultsagarri|pultsazioak]] direla uste da.