Mezen: berrikuspenen arteko aldeak

Mezen ibaiaren emaria 29 urtez ([[1965]]etik [[1993]] arte) behatu da Malonisogorskayan, ibai hau bere ibaiadar nagusia den Vashka ibaiarekin elkartzen den tokitik 20 kilometro ibaian behera dagoen herri txiki batetan, ibaiaren itsasoratzetik 199 kilometrora. Peza ibaiaren emari garrantzitsuak, beraz, ez daude zenbaki hauetan hartuak. Malonisogorskayan, epe honetan behatu den batazbatez besteko emaria 649 metro kubiko segundokoa da drainatutako 56.522 kilometro karratuko hedadurarako, ibaiaren arro osoaren %72 inguru.

Hazkuntza handiak maiatzean (hilabetean 2810 metro kubiko segundoko batazbatez beste) eta ekainean gertatzen dira. Ekainaren bigarren erditik aurrera, ibaiaren emaria arrapaladan jaisten da lehen agorte bateraino, udan, abuztuan (353 metro kubiko segundoko). Irailean emaria berriz hazten da udazkeneko eurien eraginpean, grafikoan urrian tontortxo txiki bat eragiten duena. Ondoren neguko agorte luzea dator, abendutik martxorarte gertatzen dena, azken hilabete hau barne. Martxoan behatutako hilabeteko batazbatez besteko emaria (gutxienezko agortea) 132 metro kubiko segundokoa da, maiatzean duen emaria baino 21 aldiz gutxiago eta urtaroetan jasaten dituen aldaketen zabaltasuna erakusten duena. Behaketa epeko 29 urteetan, hilabeteko gutxienezko emaria 102 metro kubiko segundokoa izan da (gutxienezko nabarmengarria) gehienezkoa 3.970 metro kubiko segundokoa izan den bitartean.

'''Mezen ibaiaren batazbatez besteko emariak (m³/stan) Malonisogorskayako estazio hidrometrikoan neurtuak'''<br />(1965-93 epean kalkulatutako datuak, 29 urte)