Rodolfo I.a Habsburgokoa: berrikuspenen arteko aldeak
Ezabatutako edukia Gehitutako edukia
Lur Hiztegiak Wikipediaratzeko Lantegiak egindako aldaketa. |
(Ez dago alderik)
|
02:25, 27 abendua 2011ko berrikusketa
Germaniako enperadorea 1273-1291 bitartean (Limburg-im-Breisgau, 1218 - Speyer, 1291). Habsburgoko etxeko lehen enperadore germaniarra izan zen. Alberto IV.a Habsburgoko kondearen semea zen eta harengandik jaso zituen Alsazia, Aargau eta Breisgauko lurrak. 1273an egin zuten enperadore Aachengo hirian, eta hala amaitu zen Germaniako inperioak erregerik gabe izan zuen lehen tarte luzea (1254-1273).
Rodolfo I.a Alemania batzen eta sendotzen saiatu zen. Jaun feudalen eta, batez ere, Otakar II.a Bohemiakoaren aurka borrokatu zen. 1276-1278 bitartean, Austria, Estiria, Karintia eta Karniolako lurrak kendu zizkion hari, eta, ondoren, irabazi handiak eskuratu zituen lurralde horiek feudo-ondasun bihurturik. Adolfo Nassaukoa izan zuen ondorengoa.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.