Kintoa: berrikuspenen arteko aldeak

'''Kintoa''' ([[gaztelania]]z ''Quinto Real'' edo ''País del Quinto'' eta [[frantses]]ez ''Pays Quint'') [[Nafarroa]]ko iparraldean dagoen [[baso]]a eta lur eremua da, nagusiki [[pago]]ek osatutakoa eta 4.100 [[hektarea]] baino gehiagoko azaleran zabaltzen dena, Iparraldeko Kintoa delakoan 2.510 ha eta Hegoaldeko Kintoan 1.624 ha.

Historikoki jabetza dela-eta liskar ugariren sortzailea izan da mugako ingurune hau, abereak errege-erreginenak ziren mendietan ibiltzeko zerga sistemagatik. Hegoaldeko biztanleek ez zuten ordaindu behar, [[erroibar]]tarrek alegia, baina Iparraldekoek edo [[Aldude]], [[Urepele]] [[Baigorri]] aldekoek bai ordea. [[1856]]anko [[Baionako Ituna (1856)|Baionako Itunaren]] bidez gaur egungo muga ezarri zuten [[Pirinio]] alde honetan, eta arazoa nolabait konpondu zuten: ofizialki "Espainiak Frantziari urteroko diru-koporuaren truke betiko utzitako lurra" da; [[argindar]]ra [[1979]]an eta [[telefono]]a [[1983]]an heldu ziren lurralde honetako 30 bat biztanleak administratiboki "Espainiako" lurretan bizi dira baina eskolara eta beste hainbat kontutara [[Urepele]]ra jotzen dute. Zergei dagokienez ere batzuk "Espainian" eta beste batzuk "Frantzian" ordaintzen dute<ref>[[Txomin Laxalt]]: ''Brèves de Pays basque'', [[2008]]. 108.or.</ref>.