Adamen kreazioa

Adanen sorrera deritzona 1511 inguruan Michelangelok Kapera sixtinoaren sabaian margotutako fresko baten izenburua da. Jainkoak Bibliaren arabera lehen gizona den Adani bizia ematen dion pasartea irudikatzen du. Kronologikoki, Itun Zaharreko lehen liburua den Hasierako pasarteak kaperako sabaian irudikatzen dituen laugarren panela da. Amaitzen azkenetako bat izan zen eta munduko artelanik ezagun eta preziatuenetako bat da.

Adanen Sorrera 1980an Kapera Sixtinoa zaharberritu baino lehen.

Konposaketa

Jainkoa agure bizardun bat bezala irudikatua dago, gorrindol koloreko tunika aldrebestu batean bilduta, tunika hau kerubin batzuekin banatzen duelarik. Bere ezkerreko besoa emakumezko irudi baten inguruan dago, ohi Evatzat hartzen dena, oraindik sortua izan ez dena; irudizko zentzuan zeruan zain dago Lurrean toki bat jasotzeko zain. Jainkoaren eskuineko besoa luzatuta dago bizitzaren txinparta bere behatzetik Adanenera pasatzeko, honen ezker besoa Jainkoarenaren posizio berean dagoelarik. Ospetsua da bi behatz horiek oso distantzia txiki batez bananduta egotearen kontua. Margolan hau amaitzen hiru eta lau urte bitartean eman zituen Michelangelok.

Konposaketa, nabarmenki artistikoa da, eta ez literala, Adan Jainkoaren behatzera iristeko gai bait da honek bizia eman aurretik ere. Era berean, Eva bere sorreraren aurretik irudikatua da. Evaren gehiketak pertsona batzuk irudikatutako emakume hori Adanen lehen emazte mitikoa izan zen Lilith dela pentsatzera eraman ditu, Bibliaren arabera, Lilith ere Adanen ondoren sortua izan zen arren.