Gürtel afera: berrikuspenen arteko aldeak

'''Gürtel afera''' [[Espainia]]n [[2009]] urtean plazaratutako [[ustelkeria]]zko afera bat da, [[Espainiako Alderdi Popular]]reko politikoak hartzen dituena, kanpoko enpresek Alderdi Popularrarekin eta alderdiak berak zuzendaturiko erakunde publikoekin egindako kontratu eta zerbitzuen inguruan. Aferak ustelkeria-sarearen buru omen den [[Francisco Correa]] negozio-gizonarengatik hartzen du izena ([[gaztelera]]zko «''correa''» «''gürtel''» da [[alemaniera]]z) eta Espainiako Alderdi Popularreko pertsonaia nabarmenak hartzen ditu, halanola [[Francisco Camps]] [[Valentziako Erkidego]]ko presidentea; [[Luis Bárcenas]], Alderdi Popularraren kutxazain-ohia; [[Ricardo Costa]], Valentziako Alderdi Popularraren idazkari nagusia eta [[Alejandro Agag]], [[José María Aznar]] Espainiako presidente ohiaren [[suhi]]a, besteak beste. Aferaren ikerketa judizialean [[Baltasar Garzón]] epailea nabarmendu zen, baina [[2010]]eko [[maiatzaren 14]]ean [[Botere Judizialaren Kontseilu Nagusia]]k epailea kargutik kendu zuen [[frankismo]]ko hilketak ikertzeagatik.<ref name="20msuspension2">[http://www.20minutos.es/noticia/707342/0/human/suspension/garzon/ La ONG Human Rights Watch lamenta la suspensión cautelar del juez Baltasar Garzón], 20minutos, 2010-05-14.</ref> Egun, 2010eko maiatzean, aferak [[epaitegi]]etan jarraitzen du.