'''Hego Vietnam''', ofizialki '''Vietnamgo Errepublika''', [[Asia]]ko hego-ekialdeko [[Estatu]] bat izan zen, egungo [[Vietnam]]en hegoaldean ezarria zegoena. [[Errepublika]] hau [[1955]]. urtean aldarrikatu zuen [[Ngô Đình Diệm]] presidente berriak, [[Bảo Đại]] enperadorea [[Estatu Batuak|Estatu Batuek]] bultzaturiko erreferendum baten bidez boteretik kendu ondoren. Frantsesen erretretaren ostean, herrialdea bi estatutan zatitu zelarik (iparralde sozialista eta hegoalde kapitalista), [[Ameriketako Estatu Batuak|AEBAEBtako]]tako aholkulari militarrak finkatu ziren Hego Vietnamen, [[Ipar Vietnam]]en eragin politiko eta militarra mugatze aldera. Hain zuzen ere, errepublika berriak Estatu Batuen interes geoestrategikoei erantzuten zien, [[Gerra Hotza]]ren testuinguruan. Hori zela eta, Hego Vietnamek Estatu Batuen laguntza militar zuzena izan zuen [[Vietnamgo Gerra]]n, [[Ipar Vietnam]]en eta hego vietnamgo [[FNL]]ren aurkako borrokan bete-betean sartu baitziren. Milaka gizon eta baliabide kopuru ikusgarria erabili arren ([[Ameriketako Estatu Batuak|AEB]]-k batez ere), indar kapitalistek porrot militar itzela jasan zuten komunisten aurkako borrokan. Gauzak horrela, armada estatubatuarra [[1973]]. urtean erretiratu zen herrialdetik, eta bi urte beranduago, [[Ipar Vietnam]]ek hegoaldea bereganatu zuen. Gerraren galerak, Hego Vietnamen desagerpen formala suposatu zuen, eta berea zen eremuan, [[Hego Vietnamgo Errepublika]] ezarri zen, zeinak urtebete beranduago, [[1976]]an, [[Ipar Vietnam]]ekin bat egin baitzuen, gaur egun indarrean dagoen [[Vietnamgo Errepublika Sozialista]] sortuz.
