Artzamendi etxea: berrikuspenen arteko aldeak

Eraikina [[muino]] baten oinean dago, lurrari erdiatxikita. Eraikina [[barroko]]a eta apaindurarik gabekoa da, eta nabarmenena bere fatxada nagusia da. Fatxada horrek bi [[armarri]] ditu. Eraikinaren oina laukiduna da. Fatxada nagusiaren eskuinaldean eranskin luzexka bat dauka eta eskuinaldeko zatiaren atzealdean estalpe txiki bat. Gorantz, beheko solairua eta 2 altuera gehiago ditu. Estalkia lau isurialdekoa da, eta isuraldeetako bat aipaturiko estalpearen gainetik luzatzen da.

 

 

Hegoaldera jotzen duen fatxada nagusia osaera simetrikokoa da eta hiru ardatzetan antolaturik dago. Beheko eta lehenengo solairuan arku eskartzanoz inguratutako baoak ditu. [[Euskal barroko]]an ohizkoa den ereduari jarraituz sarrera eta balkoiaren bidez erdiko ardatza nabarmentzen da. Beheratutako [[arku faltsu]]ko sarrera adobelatua da, eta burdineria duen egurrezko bi zatiz osatutako ate bat dauka. Lehenengo solairuan balkoiak honako hauek ditu: 4 mentsulen gainean zapalda molduratu bat eta dintelean tailatutako arku faltsuko balkoi-atea. [[Harlandu]]zko alderdi batek lotzen ditu atea eta [[balkoi]]a. Beheko eta lehengo solairuetako alboetako ardatzen baoek ere beheratutako arkuetan azpadura tailatuta daukate, eta beheko solairukoek horrez gain errejak ere bai. Goiko solairuan aipaturiko hiru ardatzetan lerrokaturik hiru ganbara-bao laukidun, harlanduaz inguratutakoak, irekitzen dira. Armarriak harri [[zuri]]koak dira eta simetrikoki kokaturik daude, erdiko ardatzaren alboetan, lehenengo solairuaren eta ganbararen artean. Eskuineko armarriak lau zatitan banaturiko eremua dauka eta Zarate, [[Salazar leinua|Salazar]] eta [[Lazarraga leinua|Lazarraga]] familiei dagokie. Ezkerreko armarria zortzi zatitan banaturik dago, lehoi maskaraz, kiribilduez eta kasket lumadun batez apaindurik.