[[FileFitxategi:Brownian trajectory.png|thumb|right|'''Probabilitate teoriaz''' zoriz mugitzen den partikula baten ibilbidea modelizatu da, [[mugimendu browndar]] izeneko ereduaren bitartez.]]
[[Probabilitate teoria]]n probabilitatea baliatu eta aztertu egiten duten [[eredu]] [[matematika|matematikoak]] biltzen dira. [[Probabilitate]] kontzeptuan oinarrituz, [[zorizko aldagai]]ak, [[probabilitate banakuntza]]k, zorizko prozesu edo [[prozesu estokastiko]]ak biltzen ditu, besteak beste, errealitatean hautematen diren ziurgabetasunezko sistemak (eguraldia, ekonomia, ...) irudikatzeko. Horrela, [[fisika kuantiko]]an oinarrizko tresna da, partikulen mugimendu aurrikusezina modelizatzeko orduan. Probabilitatearen emaitza ezagunak dira [[zenbaki handien legea]] eta [[limitearen teorema zentrala]], ziurgabetasunezko sistemetan epe luzerako joerak nolakoak diren erakusten dutenak. [[Estatistika]]ri ere oinarri matematikoa eskaintzen dio, bere teknikak eta prozedurak zorroztasunez eratzeari begira.
