Protagoras: berrikuspenen arteko aldeak

Gutxi ezagutzen da Protagorasen bizitzari buruz. [[Platon]]en ''[[Protagoras (Platon)|Protagoras]]'' elkarrizketa eta ''[[Teeteto]]'' izeneko lana, non Platonek begi onez ikusi eta errespetatzen duela ikus daitekeen, [[Diogenes Laerzio]]ren ''[[Filosofoen bizitzak]]'' bilduma (bilduma honetako sofista bakarra da, gainera) eta [[Sexto Enpiriko]]k idatzitakoa dira iturri bakarrak, baina [[Platon]]en idazkiek kasu honetan fikzioa ere jasotzen dutela uste da eta Diogenes Laerzio eta Sexto Enpirikoren informazioak mende batzuk geroago jasoak izan ziren. [[Sokrates]]en garaikidea izan zen eta [[Perikles]] izan zuen lagun eta babesle. Hiriko beste ahaltsu zenbaiten aholkulari ere izan zen, Kaliasena esaterako. Periklesek sortu berria zen [[Thurii]] hiriko konstituzioa osatzeko eskatu zion [[K. a. 444]]. urtean. Bere bizitzari buruz aipatu diren beste pasadizo asko (bere erlijiogabetasunagatik jasan behar izan zuen epaiketa, bere idazkien erreketa eta Atenastik ihesaldia) alegiazkoak direla uste da.<ref>[http://www.iep.utm.edu/protagor/ Protagoras], ''Internet Encyclopedia of Philosophy''. 2009-10-29.</ref>