Matraze aforatu: berrikuspenen arteko aldeak

Kalibrazio-marka bakarreko laborategi-ontzia, likido- edo disoluzio-bolumen finkoak neurtzeko eta prestatzeko erabiltzen dena.
Ezabatutako edukia Gehitutako edukia
Milu (eztabaida | ekarpenak)
Orrialde berria: thumb|300px|Bolumen desberdineko matraze aforatuak. '''Matraze aforatua''' edo '''matrazea''' kimika laborategian kontzentrazio jakineko ...
(Ez dago alderik)

20:30, 18 urria 2009ko berrikusketa

Matraze aforatua edo matrazea kimika laborategian kontzentrazio jakineko disoluzioak prestatzeko erabiltzen den beirazko flaskoa da.

Bolumen desberdineko matraze aforatuak.

Matrazeak esfera itxura du beheko aldetik eta lepo estu bat goiko aldean. Estaltzeko plastikozko tapoi hermetiko bat du, disoluzioa atera ez dadin bertatik. Lepoan aforo izeneko marka bat du, graduatzeko balio duena. Normalean gardenak diren arren, zenbait kasutan opakoak izan daitezke argiarekiko sentikorrak diren substantziak erabiltzen diren kasuetarako.

Bolumen desberdineko matrazeak daude: 10ml, 50ml, 100ml, 500ml edo 1L-koak besteak beste.

Erabilera

Matraze aforatuak kontzentrazio eta bolumen jakin bateko disoluzioak prestatzeko erabiltzen dira. Bere barnera disoluzioaren solutua botatzen da eta ondoren disolbatzailea gehitzen zaio. Matratzea kontu handiz mugitu solutua disolbatzailean ondo disolbatu arte eta ondoren, gainerako disolbatzailea gehitzen da. Gehitu beharreko disolbatzaile kantitatea matrazearen lepoan agertzen den markak adierazten du.

Horretarako, matrazea begien parean jarri eta meniskoa aforoaren altueran dagoela ziurtatu behar da. Oso garrantzitsua da hau zehatza izatea eta horregatik disolbatzailearen azken tantak (normalean ur distilatua) tantakontagailu baten bidez gehitzen dira. Behin disoluzioa lepoko markaren parean dagoenean, tapoiarekin estali eta ondo astintzen da disoluzioa homogenizatu dadin.