Jakob Gaon

Jakob Gaon zerga biltzaile gasteiztar bat izan zen, Tolosan erahila 1463an.

Gaondarrak Gasteizko familia judu bat ziren. XV. mendean familiako kide asko Gaztelako erregeen izenean zergak biltzen jarduten zuten. 1463an, Jakob Gaon Gipuzkoara joan zen eskaera izenek zerga bat kobratzeko asmoz eta Tolosako hiribilduko biztanleei erreklamatu zien. Hauek zerga hau ordaintzetik libre zeudela erantzun zioten, erregeak onartutako xedapen bategatik. Gaonek mehatxatu egin zituen eta hauetako batzuek erahil egin zuten, lepoa moztu eta bere burua pikota batetik zintzilikatu zuten. Gaztelako Enrike IV erregea Tolosa joan zen bere heriotza mendekatzeko asmoz, baina egileak ihes egin zuten hiribildutik. Erregeak krimena egin zen etxea eraisteko agindu zuen. Ez zen egileak exekutatzera heldu, Gipuzkoako batzarreko eskaera bat heldu bait zitzaion tolosarrei barkatzeko erregutuz eta hauen arrazoiak azalduz. Enrike IV zerga ordaintzetik libre zuedela onartu zuen.