Entropia

Entropia (termodinamikaren ikuspuntutik) sistema batek izan ditzakeen azpiegituren kopurua eta azpiegitura horiek izateko duten probabilitatea azaltzen duen magnitude fisikoa da tradizionalki S hizkiaz errepresentatzen delarik. Orohar entropiak sistema baten ordenaren eta sisteman gertatzen diren eboluzioen kalitatearen berri ematen digu. Entropia fisika eta ingenieritzaz gain informazio teoria eta matematikan ere azaltzen den kontzeptua dugu arlo guzti hauetan urrengo ekuazioak entropia ebaluatzen duelarik:

$S=-k\sum _{i}P_{i}\ln P_{i}\!$

• $S$ esan bezala entropia adierazten du.
• $i$ hizkian zehar buruturiko gehiketaren elementu bakoitzak sistemaren azpi-egitura bat adierazten du.
• $P_{i}~$ azpi-egitura bakoitzak gertatzeko duen probabilitatea adierazten du.
• $k$ unitate sistemara moldatzeko konstante bat dugu SI sisteman bere balioa Boltzmann-en konstantearena dugu k_SI = 1,38066×10⁻²³.

Egitura ordenatua duten sistemetan azpi-egitura gehienen probabilitatea oso baxua da gehiketan eragina duten terminoak gutxi batzu direlarik. Aurrekoa dela eta egitura ordenatua duten sistemek entropia baxua izanen dute egitura hau desegiten den einean entropia hazi egiten delarik. Sistema ez ordenatuetan ezin dugu aurrekoa bezelako arrazonamendurik burutu orohar sistema ez ordenatuetan entropia altua bada ere entropia baxuko sistema ez ordenatuak izan badirelako. Sistemen ordenetik desordenerako duten joeran eta orden honen aldaketak entropian duen eraginean oinarritzen dira termodinamikaren bigarren printzipioaren zenbait adierazpen.

Entropia hitza grekeratik eratorria da (ἐντροπία) eta jatorrizko esanahia transformazio edo eraldatze litzateke.